الأرض لون العرق ولا حد سامع حد
قلبى رسايل ورق أمتى يجينى الرد
وحبيبتى فارده الشراع ورموشها ميت مجداف
انا اصلى بغرق غرق مع انى فوق ع شط
أهوى الغياب فى البراءة واخاف عليكى اخاف
واعبر حدود الجراءة ل اجل البعيد يتشاف
يا حنينة لا بتغضبى
ولا شفت منك صد
يا ام العيون النواعس والخد لون الورد
لو تضحكى طلع نهار
تتحركى تحت القدم يصبح خضار
قلبك بياضه لون بياض القطن فوق كف النهار
حضنك حنانه زى ضمة ام لعيالها الصغار
كل الجمال والحسن حواليكى
لكنى المح حزن فى عنيكى
حزن البنات الطيبات
حزن الولاد الطيبيين
حزنك يا غالية هو الوطن..قلبك يا غالية مليان شجن
ولا تزعليش شايل فداكى ميت كفن
شايل فداكى ميت كفن..
قلبى رسايل ورق أمتى يجينى الرد
وحبيبتى فارده الشراع ورموشها ميت مجداف
انا اصلى بغرق غرق مع انى فوق ع شط
أهوى الغياب فى البراءة واخاف عليكى اخاف
واعبر حدود الجراءة ل اجل البعيد يتشاف
يا حنينة لا بتغضبى
ولا شفت منك صد
يا ام العيون النواعس والخد لون الورد
لو تضحكى طلع نهار
تتحركى تحت القدم يصبح خضار
قلبك بياضه لون بياض القطن فوق كف النهار
حضنك حنانه زى ضمة ام لعيالها الصغار
كل الجمال والحسن حواليكى
لكنى المح حزن فى عنيكى
حزن البنات الطيبات
حزن الولاد الطيبيين
حزنك يا غالية هو الوطن..قلبك يا غالية مليان شجن
ولا تزعليش شايل فداكى ميت كفن
شايل فداكى ميت كفن..
هناك تعليق واحد:
تحفة ! ماشاء الله
إرسال تعليق