خوذة مرمية على الحدود
مكتوب عليها بحروف من دم
بسم الحق..
أما بعد..
إلى ولدى اللى لسه ما اتولد
إعرف وإعلم إن أبوك مهما حصل راجل بطل
أمى لا تبكى وزغردى ولا تحزنى
إبنك بطل
زُوجْتى العزيزة...
أوصيكى ووصيتى واجبة النفاذ
لما تزورى تربتى إبقى البسى توب الزفاف
على ضهر الخوذة
بالدم إتكتبت ملحوظه
مع آخر شهقة أنفاسى
بكتب وانا بين الحيا والحيا
يا حبيبتى اعلمى إن انا راح أغيب
لكنى فى يوم لازمً راح أعود
راح تسألى
وتقولى إمتى راح تعود ؟؟
راح تسألى
وتقولى إمتى راح تعود ؟؟
إتوضى من نهر الأمل
وصلى فوق جسر الخشوع
أدعى وبصى للسما
تلقى السما تمطر جنود
ساعتها ممكن راح أعود
ساعتها ممكن راح أعود
ليست هناك تعليقات:
إرسال تعليق