ايه فاضلك ؟
لو تعيش العمر تتخفى في ضلك
تلقى صورتك في المرايا تجرى منك
انت عايش ولا ميت؟
ولا أقولك
انت عايش بس ميت جزء منك
جزء حلمه كان بيصحى قبل منه
يصحى يضحك جمب منه
أصل حلمك هو سرك
لما يجى الموت يزورك
مش هيلقى حتة منك
انت ماشى من سنين
لو هتتلفت وراك
تلقى عمرك خر منك
يعنى ميت من زماااان
بس عايش غصب عنك
هناك تعليقان (2):
روعه جدا خصوصا عايش غصب عنك .. كلنا لنا احلام تاهت مننا فى الطريق والحل الوحيد اننا نحلم غيرها
الشعر كله واقعى جدا .. المهم ميضيعش عمرنا .. فعلا حلمك هوا سرك
إرسال تعليق